A Unesco informa favorablemente sobre a creación dunha cátedra de Cultura de Paz e Dereitos Humanos na USC

En carta remitida polo departamento da UNESCO (París), que dirixe Dª Sonia Bahri, responsable da sección de cooperación internacional para o ensino superior, a D. Ramón Sánchez Rodríguez, como Director da proposta de Cátedra UNESCO de Cultura de Paz e Dereitos Humanos da USC e a D. Manuel Dios Diz, Presidente do Seminario Galego de Educación para a Paz, promotor da iniciativa, se informa favorablemente do proxecto de creación da citada Cátedra na Universidade de Santiago de Compostela, un proxecto presentado conxuntamente polo Seminario Galego de Educación para a Paz e a Fundación Cultura de Paz que preside D. Federico Mayor Zaragoza.

A UNESCO anunciou telefonicamente o envío inmediato ó Reitor, D. Senén Barro, dun proxecto de Convenio Marco de Colaboración para proceder á creación oficial e a súa sinatura.

O proxecto de Cátedra UNESCO foi presentado e autorizado pola Xunta de Goberno da USC logo de que D. Federico Mayor Zaragoza e D. Manuel Dios o ultimaran co Reitor, D. Senen Barro, o pasado día 19 de Xuño.

A curta de ficción galega "X Nada", sobre a violencia xuvenil, seleccionada pra os premios Goya

A Curta de Ficción "X nada", de productora compostelá Ficción Producciones, dirixida por Toni Veiga e Dani de la Torre, sobre un guión do propio Toni Veiga e de Manolo Dios (Presidente do Seminario Galego de Educación para a Paz), ven de ser seleccionada entre as 10 mellores do ano para os Premios Goya da Academia do Cine.

Nas próximas semanas as académicas e os académicos votarán para escoller os 4 finalistas á mellor curta de ficción do ano.

O Seminario Galego de Educación para a Paz e a Fundación Cultura de Paz colaboraron activamente na iniciativa e a curta está utilizándose nos colexios e institutos galegos para traballar a mellora da convivencia escolar, tanto co alumnado de secundaria como cos pais e as nais. A curta foi remitida gratuitamente a tódolos centros educativos de Galicia, de ensino secundario, no inicio do presente curso escolar.

X NADA aborda un caso de violencia xuvenil protagonizado por Roi e algúns colegas do Instituto que practican un xogo moi especial, "Catro e Youtube" que consiste en grabar un acto violento e colgalo en Internet e distribuilo entre o alumnado, un xogo que terá consecuencias para tódolos seus protagonistas...

A curta ten un gran valor didáctico e pedagóxico, ademais do cinematográfico, tanto para o profesorado como para os pais e as nais, obrigados a reflexionar sobre os modelos educativos actuais, e para o alumnado que, en moitas ocasións, descoñece as consecuencias dos seus actos reais ou virtuais.

A Curta pode verse en www.sgep.org

MSF fai un chamamento aos gobernos europeos para que protexan a vida e dignidades dos inmigrantes

Os solicitantes de asilo e os inmigrantes indocumentados pagan o prezo das cada vez máis restritivas políticas de inmigración, unhas políticas que afectan directamente a súa saúde física e mental.

Escapando de conflitos, a indixencia ou situacións de violacións xeneralizadas dos dereitos humanos, os inmigrantes se embarcan en perigosos e longas viaxes a Europa. Sen embargo, cando finalmente chegan ao seu destino, moitos atópanse con detencións prolongadas, terribles condicións de vida e falta de acceso á atención da saúde. Outros quedan atrapados ás portas de Europa ou son interceptados e devoltos a países onde as súas vidas e a súa saúde poden estar en perigo.

Con ocasión do Día Internacional do Inmigrante, a organización humanitaria Médicos Sin Fronteras (MSF) urxe aos políticos de toda Europa a que protexan a vida e a dignidade dos inmigrantes e solicitantes de asilo e faciliten o seu acceso aos servizos básicos, incluíndo o abrigo e a atención de saúde.

Os equipos de MSF asisten a inmigrantes e solicitantes de asilo nas diferentes etapas da súa viaxe. En países de orixe como Somalia, Afganistán, República Democrática do Congo e Nixeria, MSF trata as consecuencias da violencia e a indixencia. En Marrocos, Grecia, Malta, Italia e Francia, os equipos de MSF proporcionan atención médica e psicolóxica aos que sobreviviron á viaxe; moitos inmigrantes e solicitantes de asilo, tras soportar perigosas travesías polo deserto e por mar, son obxecto de actos de violencia e abusos, son encarcelados e explotados ou caen presas de traficantes e contrabandistas. O número de menores non acompañados e mulleres, moitas delas embarazadas, que emprende estass viaxes é cada vez maior.

As políticas de control nas fronteiras impostas pola Unión Europea (UE) ou os estados membros de forma individual deixan a moitos inmigrantes indocumentados e solicitantes de asilo atrapados ás portas de Europa durante longos periodos de tempo ou lles obligan a regresar aos seus países de orixe. En Marrocos, os inmigrantes e solicitantes de asilo que intentan entrar na UE viven a miudo en precarias condicións e son vítimas da violencia e a explotación. Entre 2003 e 2009, os equipos de MSF en Marrocos responderon a 4.000 casos de violencia.

En Italia, MSF veuse obrigada a retirar ao seu equipo de Lampedusa tras o marcado descenso de inmigrantes e solicitantes de asilo que chegaban á illa. Desde que o goberno italiano impuso políticas de inmigración máis duras a principios do ano, as embarcacións con inmigrantes e solicitantes de asilo son interceptadas no mar e devoltas a Libia, expoñendo a estas persoas de novo á violencia que soportan cando intentan chegar a Europa.

Os inmigrantes e solicitantes de asilo que consiguen chegar a Europa adoitan ter que facer fronte a detencións sistemáticas e prolongadas en condicións terribles. A pesar do grave impacto que isto ten sobre a saúde física e mental, o seu acceso á atención de saúde é limitado e o apoio psicolóxico adoita ser inexistente. En Grecia e Malta, o traballo de MSF nos centros de detención para inmigrantes indocumentados e solicitantes de asilo revelou elevadas tasas de depresión, ansiedade e estrés postraumático.

“Nos centros de detención, atopamos unhas condicións de hixiene terribles e unhas persoas hacinadas. Ademáis, resulta moi frustrante para os inmigrantes o feito de estar detido sen ter cometido ningún delito e a incertidume sobre o seu futuro,” declara Christos Papaioannou, coordinador de terreo de MSF en Grecia.

Unha vez terminado o periodo de detención, as perspectivas son deprimentes para moitos e o acceso á atención sanitaria segue sendo incerto. Incluso cando a atención de saúde está dispoñible, as barreiras do idioma, a falla de información e o medo a ser denunciados disuaden aos inmigrantes de buscar axuda. En Francia, MSF proporciona apoio psicolóxico a solicitantes de asilo que non foron admitidos.

Moitos padecen graves trastornos psicolóxicos como resultado da violencia ou a persecución nos seus países de orixe, da dura viaxe e da falla de vivenda en Francia. Desde 2007, MSF realizou máis de 7.000 consultas en París – a metade destas implicaban atención psicolóxica.

“A nosa experiencia de traballo nas diferentes etapas da súa viaxe nos axuda a comprender o seu prolongado sufrimento. Estas persoas tan vulnerables emprenden viaxes moi difíciles nos que adoitan ter que facer fronte a situacións de violencia e abusos. Cando finalmente chegan a Europa, esperando que isto supoña o fin de toda unha serie de incidentes traumáticos, atópanse con detencións, horribles condicións de vida, un acceso limitado á atención de saúde e exclusión da sociedade. É primordial que as políticas de inmigración en Europa protexan a vida e a dignidade destas persoas e melloren o seu acceso á atención médica, incluíndo apoio psicolóxico”, conclúe Liesbeth Schockaert, asesora de asuntos humanitarios de MSF.

A Coordinadora Galega de ONGs denuncia o incumprimento da Xunta do acordo de aceptalas enmendas presentadas aos orzamentos de cooperación

A Coordinadora Galega de ONGs denuncia o incumprimento da Xunta do acordo de aceptalas enmendas presentadas aos orzamentos de cooperación.

Según asegurou nas últimas horas a organización, o grupo parlamentario do PP tiña acordado coa Coordinadora, aceptar as emendas da oposición para incrementar os fondos de cooperación en 2 millóns de euros Santiago de Compostela, 18 de decembro de 2009. O Parlamento de Galicia aprobou, 16 de decembro, os Orzamentos da Xunta de Galicia para o ano 2010, deixando de lado a maioría das emendas presentadas pola oposición, entre elas as referidas a cooperación para o desenvolvemento e acción humanitaria.

Desde que se presentara o proxecto de Orzamentos no Parlamento de Galicia, o pasado 19 de outubro, a Coordinadora Galega de ONGD, ten levado a cabo un importante traballo de presión e incidencia política para mellorar os fondos destinados á partida de cooperación.

As tarefas iniciáronse co informe “A cooperación ao desenvolvemento no Proxecto de Lei de Orzamentos das Xunta de Galicia 2010”, presentado nun almorzo con xornalistas o 17 de novembro.

Ao tempo, a Coordinadora estableceu contactos e concertou reunións cos tres grupos parlamentarios galegos para promover a presentación de emendas ao texto que melloras en esta situación de partida.

De feito, o PSdG-PSOE presentou unha emenda, o 14 de novembro, co nome de “Fondo Extraordinario para a Cooperación ao Desenvolvemento”, que propoñía dotar o orzamento de cooperación en 2.000.000€ adicionais con cargo ao Fondo de Continxencia dos Orzamentos. Isto suporía un aumento do 1.6% en todas as transferencias de cooperación, -excluída a de persoal-, e situaría a cantidade total dedicada a cooperación nos 11.700.000€, o que permitiría recuperar a porcentaxe do 0,1%.

Pola súa parte, o BNG –se ben non presentou emendas propias- si indicou nas conversas coa Coordinadora que apoiaría esta emenda do PSdG-PSOE. Na reunión celebrada cos máximos responsables do grupo parlamentario do PP o pasado 24 de novembro, estes, despois de recoñecer o escaso esforzo da Xunta de Galicia, indicaron que aceptarían a emenda da oposición nesta materia.

Sen embargo, esta emenda non prosperou na tramitación parlamentaria dos Orzamentos 2010, ao rechazala a maioría do PP. “Sentímonos enganados”, declarou Xosé Mª Torres, Presidente da Coordinadora, que remarcou que o uso de prácticas políticas coma estas contribúen ao descrédito xeral fronte á sociedade civil.

Datos da cooperación galega

A cooperación galega acadará só 9,7 millóns de euros, o que supón unha reducción de 3,3 millóns con respecto a 2009. Cómpre lembrar que os orzamentos de 2009, presentados polo bipartito PSdG-PSOE e BNG incluían un Plan Anual de Cooperación que chegaba aos 13,0 millóns de euros.

O descenso de 3,3 millóns representa un recorte dun 25% do total dos fondos -“un recorte brutal no xa escaso esforzo de cooperación que realizaba a Xunta de Galicia”- sinalou o Presidente da Coordinadora, Xosé María Torres.

Desta maneira, o esforzo en cooperación ao desenvolvemento ficará para 2010 no 0,086% do orzamento da Xunta de Galicia. Galicia volve así a cotas prehistóricas, por debaixo do 0,1% fronte ao 0,7% marcado polos compromisos internacionais e a lei galega de cooperación do ano 2003.

Espírito de diálogo

Desde a Coordinadora Galega quere recoñecerse, con todo, o espírito de diálogo cara o sector emprendido desde a unidade xestora do novo goberno de Núñez Feijóo, a Dirección Xeral de Relacións Exteriores e coa UE da Consellería de Presidencia, pero laméntase que este espírito aberto non vaia acompañado dun compromiso real de goberno.

“Agardamos que o novo Plan Director cuadrienal 2010-2013, actualmente en redacción por parte da DXRREE conteña elementos positivos e compromisos reais na loita contra a pobreza para os próximos catro anos” concluíu o Presidente da Coordinadora.

Médicos sin Fronteras lanza unha nova Campaña de

Desde Médicos sin Fronteras acábase de lanzar unha nova Campaña de
Sensibilización "Enfermos Olvidados".

Durante todo o ano 2010 queremos informar á sociedade Galega da realidade
de millóns de persoas que padecen algunha das chamadas Enfermedades
Esquecidas.

Imos a centrarnos en 6 destas enfermidades que MSF trata diariamente: O
Chagas, Kala Azar, Malaria, Enfermidade do sono, Tuberculose e Sida
Pediátrico.

Todas elas teñen diferencias clínicas, cada unha é causada por un parásito
ou virus diferente, as súas consecuencias non son iguais,..... Sen embargo
todas teñen en común que se cobran a vida de 8.000 persoas cada día.
Persoas pobres que viven nos países en vías de desenvolvemento e que non
interesan nen aos gobernos, nen á Comunidade Internacional, nen ás
farmacéuticas, nen aos medios de comunicación.

Por iso desde Médicos sin Fronteras queremos realizar un chamamento para
evitar que anualmente morran 3 millóns de persoas que están esperando un
tratamento para algunha destas 6 enfermidades que teñen curan.

Pedimos que os gobernos, os institutos de investigación e as farmacéuticas
empecen a invertir máis recursos para mellorar a I+D destas enfermidades,
conseguir probas de diagnóstico axeitadas e adaptadas ás realidades dos
países en vías de desenvolvemento, novos tratamentos eficaces, non tóxico,
asequibles e apatados e probas de curación.

Non podemos seguir permitindo que estas persoas esquecidas sigan morrendo
por falta de vontade política. Por iso, pedimos a túa axuda para difundir a
súa realidade.

Porque a peor enfermidade é o NOSO OLVIDO.

Un defensor de dereitos humanos colombiano visitou esta semana tres institutos de Redondela e Tui

Co gallo da celebración do Día Internacional dos dereitos humanos o pasado 10 de decembro, esta semana Amnistía Internacional mobilízase en distintas localidades de Galicia. Amnistía Internacional organizou sendas charlas do defensor de dereitos humanos colombiano Vladimir Angulo no Instituto de Ensino Secundario (IES) Francisco Sánchez de Tui e no IES Pedro Florián de Redondela, así como o IES San Paio de Tui.

Vladimir Angulo é un defensor de dereitos humanos do Val do Cauca e é membro do Proceso de Comunidades Negras. Participou como membro da Pastoral Afrocolombiana e apoiou as actividades desta organización de comunidades negras, onde participou na xestión e desenvolvemento da “Escola de Formación de Líderes Negros”. Tamén traballou coma asesor de mozos do río Cajambre apoiando e acompañando aos mozos da zona rural de Buenaventura.

“En Colombia hai máis dun millón de menores desprazados por mor do conflicto interno, unha cifra á que hay que engadir os preto de catro millóns de persoas desprazadas internas no país”, declarou Alberto Estévez, voceiro de Amnistía Internacional. Colombia é un dos Estados Parte da Convención dos Dereitos do Neno, o que implica o compromiso de converter estas normas nunha realidade para os rapaces e rapazas colombianos.

Hoxe, mércores 16, activistas de Amnistía Internacional estarán nas Facultades de Xornalismo e Ciencias Políticas en Santiago de Compostela recollendo sinaturas pola liberación de 8 presos de conciencia en Marrocos e para que Aminatou Haidar poida regresar ao Sáhara Occidental. 7 deses presos de conciencia enfróntanse nun tribunal militar a varios cargos relacionados coa seguridade do Estado e poderían ser condenados a morte se son declarados culpables. O oitavo, Idriss Chahtane, director da publicación semanal Almichaal, foi detido en outubro tras publicar un artigo sobre a saúde do Rei Mohamed VI. Igualmente, activistas de Amnistía recollerán sinaturas para evitar a posible lapidación dunha muller, Kobra Babaei, tras a execución por aforcamento do seu home, sentenciados por “adulterio estando casados”.

O venres 18 de decembro, Flor Baena, irmá do vigués Xosé Humberto Baena, executado polo réxime franquista en 1975 tras ser torturado e ser sometido a un xuízo inxusto, pechará o ciclo de charlas no IES vigués de Torrecedeira e falará en contra da pena de morte e sobre o caso do seu irmán.

“Durante esas actividades tamén recolleremos adhesións para esixir a Estados Unidos e China que ratifiquen dous dos tratados de dereitos humanos máis significativos”, sinalou Estévez. Esta acción forma parte da campaña “O poder da túa sinatura”, accesible en www.actuaconamnistia.org

Fortes críticas en Vigo pola falta de adaptación dos cines da localidade

En Vigo estase a producir unha situación de discriminación evidente. Trátase de algo tan sinxelo como poder ir o cine ou tomar unha copa nun local de moda.

Pois ben. Un bo número de cidadáns non o poden facer. Non poden disfrutar dun estreo ou dunha película calquera polo único motivo de ter algunha discapacidade.

A Confederación Gallega de Personas con Discapacidad (COGAMI) denunciou nas últimas horas que as salas de cine de Vigo son inaccesibles, así como tamén o son deceas de locais nocturnos.

No caso das salas de cine, éstas carecen de rampas de acceso ou plataformas para subir ata o fondo da sala ou situar unha cadeira de rodas. Teñen que conformarse coa primeira fila ou cos laterais. Só os cines da plaza Elíptica reservaban espacio entre as columnas de butacas para a instalacións de muletas ou cadeiras de rodas. Pero agora estos cines pecharon as súas portas.

Pero a discapacidade non teñe por qué ser somente física. As persoas con problemas auditivos tamén carecen de programación con subtítulos e aínda que dende a Asociación de Persoas Sordas de Vigo se intentou negociar cos donos dos cines a instalación de sesións en versión orixinal con subtítulos en español, foi imposible que a iniciativa saíra adiante. Simplemente, non era rentable. E o mesmo lles pasa cando falamos de teatro. Non hai intérpretes.

E o mesmo sucede coas discapacidades intelectuais. Teñen que selos propios colectivos os que poñan en marcha actividades para persoas con enfermedades mentais, por exemplo. Así o fai Feafes Galicia (Federación de Asociaciones de Familiares y Personas con Enfermedad Mental de Galicia),responsable de diversos programas de ocio e deporte tanto en Santiago, como na Coruña, Lugo e Vigo.

O certo é que moi poucas veces reparamos nos problemas que estas persoas teñen para poder facer algo tan sinxelo como acudir ao cine ou ver unha boa obra de teatro. Unha necesidade de concienciación que xa é hora de que comece a ser unha realidade.

Verdegaia denuncia el aumento en Galicia de las emisiones de CO2

La asociación ecologista gallega Verdegaia denunció el incremento en Galicia del 24,8% de las emisiones de dióxido de carbono (CO2) producidas por la quema de combustibles fósiles, según reflejan los datos recogidos desde el año 1990 al 2007, por el Ministerio del Medio Ambiente del Medio Rural y Marino. Además, la asociación denunció que la Xunta no presentó un plan alternativo tras anular el realizado por el anterior gobierno del PSdG y el BNG.

Las emisiones de C02 procedentes de los combustibles fósiles representan, según informó Verdegaia, "aproximadamente o 80% das emisións de gases causantes do cambio climático" desde Galicia y el conjunto de los países ricos. En este sentido la asociación ecologista advirtió que a pesar de que Galicia forma parte de un estado que ratificó el Protocolo de Kioto, la comunidad no sólo no redujo las emisiones de C02, si no que las incrementó de "forma importante".

Además, la asociación ecologista acusó a la Xunta de carecer de un plan con objetivos cuantificados y medidas presupuestadas para reducir las emisiones de gases CO2, causantes, según Verdegaia, del principal problema socioambiental global.

Los sectores en los que más se incrementaron las emisiones de CO2 entre 1990 y 2007, fueron las industrias manufactureras y de la construcción y el sector del transporte, en este último con un aumento del 107%, pasando de producir 3.319.380 toneladas de C02 en 1990, a 6.885.570 toneladas de CO2 en 2007.

Desde Verdegaia destacaron la necesidad de "reformular as politícas enerxética e de transporte" con el objetivo de disminuir las emisiones de C02 en Galicia, 10,2 toneladas por habitante, ya que actualmente superan la media mundial, establecida en 4,3 toneladas, la europea, de 7,9 toneladas de CO2, e incluso la media de países emergentes como la India, con 1,1 toneladas de emisiones de CO2 por habitante.